الحلقة الثامنة عشر
جزء من حلقة سابقة :
مايا : هو فى ايه يا ندى ما تفهمينى
ندى : حاضر هفهمك
مايا : ياريت
ندى : ............................
*_____________________________________________**___________________________*
ندى : انتِ مرتبطة صح ؟
مايا : ايه !! انتِ مين اللى قالك كده
ندى : عرفت وخلاص وعرفت كمان انك كنتى مخبية عليا عشان مغيرش منك
مايا : لا والله مش عشان كده
ندى : يعنى فعلاً مرتبطة ومقولتليش
مايا : اه فعلاً انا مرتبطة بس انا مرضتش اقولك مش عشان غيرة ولا الكلام ده
ندى : امال عشان ايه ؟
مايا : عشان انا ......... (وسكتت)
ندى : ما تردى يا مايا عشان ايه
مايا : عشان مكنتش عايزة ازعلك
ندى : وانا ايه كان هيزعلنى
مايا : انك مش مرتبطة وخوفت تزعلى ان كل اللى حواليكي مرتبطين وانتِ لا فـ مقولتلكيش
ندى : دايماً يا مايا بتحسسينى انى فى عيب او عاهة
مايا : لا والله مش قصدى كده خالص انتِ عارفة انا بحبك قد ايه
ندى : ولما اتخطبت مقولتليش ليه ؟
مايا : انتِ من يوم ما اتخطبتى لـ يوسف وانتِ شبه مقطعانى
ندى : عشان من يوم ما ماما ماتت وانتِ بتجرحينى بكل تصرفاتك
مايا : انا بجرحك يا ندى
ندى : اه يا مايا
مايا : والله عمرى ما فكرت اجرحك ودايماً نيتى معاكى انى اشوفك مبسوطة ، انتِ مش عارفة انتِ عندى ايه
ندى : وانتِ عارفة انا بحبك ازاى بس تصرفاتك بتضايقنى ، انا عمرى ما خبيتى عليكي حاجة حتى لما مشاعرى اتحركت ناحية يوسف جيت اتكلمت معاكى صح
مايا : صح بس انا والله نيتى معاكى خير
ندى : ماشى يا مايا حصل خير
مايا : يعنى بجد مش زعلانه
ندى : لا خلاص مش زعلانه
مايا : ماشى وانا والله مش هزعلك تانى
ندى : مش انا ويوسف هنتجوز كمان تلت شهور
مايا : بسرعة كده
ندى : بصراحة يا مايا انا مش عارفة ليه بابا ويوسف مستعجلين كده
مايا : طيب وانتِ مش عايزة
ندى : لا طبعاً عايزة بس استعجالهم قالقنى
مايا : سلمى امورك لـ ربنا يا نودى وان شاء الله خير
ندى : ان شاء الله
مايا : ربنا يكملك على خير يارب
ندى : يارب
*_____________________________________________**___________________________*
تانى يوم فى بيت ندى .......
ندى : ايه ده يا خالتوا انتوا جيتوا امتى
رانيا : اول امبارح
ندى : محدش قالنا
رانيا : ماهو انا مرضتش عشان اعملها لكم مفاجأة
ندى : احلى مفاجأة والله ، وحشتينى اوى يا خالتو
رانيا : انتِ اكتر والله يا نودة بس انا زعلانه منك
ندى : ليه بس
رانيا : عشان اتخطبتى وكمان اتحدد فرحك من غير ما خالتك تعرف اى حاجة
ندى : والله يا خالتو كل حاجة جت بسرعة
رانيا : يالا ربنا يتمملك بخير اهم حاجة بس انتِ هتتجوزى فين
ندى : فى القاهرة
رانيا ؛ طيب واخواتك
ندى : يوسف هيتنقل القاهرة على اول السنة الجديدة بس قبل ما يتنقل طول ماهو هنا هبقى هنا مع اخواتى وهرجع معاه اخر الاسبوع القاهرة
رانيا : ولما يروح القاهرة
ندى : هاجى هنا خميس وجمعه ان شاء الله
رانيا : ربنا يكملك على خير بس ملقتيش الا ظابط انتِ ناقصة شحططة
ندى : النصيب بقى يا خالتو
رانيا : امال فين مودى وبسنت
ندى : مودى نايم وبسنت نزلت شوية
رانيا : طيب يا حبيبتى دى هداياكم
ندى : تسلمى يا خالتو وادهم عامل ايه
رانيا : كويس الحمد لله هنخطبله قريب
ندى : علياء !!
رانيا : انتِ تعرفيها
ندى : اه ادهم حكالى عليها
رانيا : ده انتوا وادهم بقى متفقين
ندى : متفقين على ايه
رانيا : مفيش يا حبيبتى ربنا يسعدكم ويتمملكم على خير انتِ او ادهم
ندى : يارب يا خالتو
*_____________________________________________**___________________________*
فى احدى الكافيهات .....
هايدي : احكيلي بقى حصل ايه مع ندى
مايا : حكت لـ هايدي اللى حصل
هايدي : هى بتتنطط عليكي كده ليه
مايا : بتتنطط !!
هايدي : ايوة بتتنطط ليه يعنى الانعرة دى
مايا : فى ايه يا هايدي انتِ بتتكلمى عنها كده ليه
هايدي : عشان انتِ صعبانه عليا
مايا : ممكن تفهمينى
هايدي : هى عماله تتلكك على اى حاجة انتِ تعمليها وتقولك انت بتجرحينى وتزعل وتتقمص والموقف ده اتكرر ١٠٠ مرة
مايا : هى عندها حق انا تصرفاتى معاها تتفسر كده حتى لو بعملها بـ حُسن نية
هايدي : بس ندى بتزودها وبتأڤور اوى
مايا : بصى يا هايدى اى واحدة لما يبقى عندها ظروف خاصة امها ماتت بقى او ابوها او اى ظروف تانية مختلفة بيبقوا حساسين وبيزعلوا من اى حاجة وده اللى بيحصل مع ندى
هايدى : انتِ ادرى بيها بقى بس انا فعلاً زعلانه عليكي انتِ بتقللى من كرامتك عشانها
مايا : كرامتى !! لا طبعاً ندى دى اختى ومفيش بين الاخوات كرامه
هايدى : براحتك بقى انا عملت اللى عليا
مايا : فكك علاقتى انا وندى مش اى حد يفهمها
هايدى : انتِ حرة بقى
*_____________________________________________**___________________________*
فى بيت رقية ....
فؤاد : مالك يا رقية
رقية : مخنوقة شوية
فؤاد : عشان حازم برضه
رقية : والله حازم مقطع قلبى بس هعمله ايه يعنى
فؤاد : بكرة ينسى
رقية : يارب بس هو شكله بيحبها اوى
فؤاد : هينسى برضه ، بس انتِ شكلك فى حاجة تانية مضيقاكى
رقية : شريف اخويا
فؤاد : خير ماله
رقية : حالته مفيش فيها اى تحسن بتدهور عن اليوم اللى قبله
فؤاد : لا اله الا الله
رقية : قلبى واجعنى اوى عليه خايفة ميلحقش فرح ندى
فؤاد : يعنى هو مفيش امل خالص يعنى
رقية : خالص يا فؤاد الدكتور بيقول مدمرة وهو بيحاول يسيطر عليها بس مش قادر
فؤاد : ربنا يتولاه برحمته
رقية : يارب يارب
فؤاد : طيب قومى اتوضى خلينا نصلى جماعه وندعيله احسن من القعدة دى
رقية : حاضر هقوم اتوضى
بعد الصلاة ........
حازم : انا مش هقدر اشوف ندى بتتجوز واحد تانى
فؤاد : واحنا المفروض نعملك ايه
حازم : اعملوا اى حاجة انتوا مش المفروض ابويا وامى
فؤاد : اعقل يا حازم واكبر ، ندى اختارت يوسف بكامل ارادتها وحتى لو جوازتهم باظت هتفضل تحبه
حازم : لا لما تتأكد انه ضحك عليها هتكرهه
رقية : بيضحك على مين يا ابن الهبلة دول هيتجوزوا يا معتوه يا ابن المعتوهة
فؤاد : اهدى يا رقية اهدى
رقية : انت مش شايف بيتكلم ازاى ده هيجننى
فؤاد : تعالى يا حازم انا عايز اتكلم معاك شوية (ودخلوا اوضته)
__**__**__**__
فؤاد : هتسمع كلامى وهتقتنع بيه ولا هتخرجه من الودن التانية زى ما بتعمل مع امك
حازم : مش لما اعرف الكلام الاول
فؤاد : بفرض ان انت وندى بتحبوا بعض من عشر سنين وفجأة اتخطبت لـ يوسف او اى حد تانى واتجوزوا هتعمل ايه
حازم : هطربق الدنيا لحد ما ارجعها ليا
فؤاد : ازاى !! هو النصيب بايد مين بايدك ؟
حازم : نصيب !!
فؤاد : ايوة النصيب ، النصيب اللى بايد ربنا يا حازم باشا اللى محدش يقدر يغيره ، النصيب اللى بيقول ان ندى مش من نصيبك
حازم : انت بتزنقنى يا بابا
فؤاد : لا بفوقك لانك مش فى وعيك
حازم : تمام
فؤاد : الخلاصة ان لو ندى من نصيبك محدش هيقف قدام ارادة ربنا ولو مش من نصيبك والله لو وقفت على شعر راسك مفيش حاجة هتتغير
*_____________________________________________**___________________________*
بعد مرور شهرين ......
فى احدى الكافيهات ......
ندى : خلاص يا يوسف بقى متزعلش
يوسف : اصل مش فاهم ابوكى عمل كده ليه مش مسترجلنى يعنى
ندى : انا مش فاهمه انت زعلان ليه
يوسف : متجننيش يا ندى
ندى : طيب اهدى بس يا حبيبي ، انت زعلان عشان هو اتكلف بـ نص تكاليف الفرح
يوسف : ايوة ، قال انا هدفع ١٠٠٠٠ فى الشبكة هدية منه ليكي قولت ماشى لكن كمان يجيبلك الفستان و...
ندى تقاطعه : يا حبيبي مانتوا دفعتوا مهر كويس وكمان هتجيبوا العفش كله يبقى مفيش مشكلة
يوسف : يا سلام
ندى : على فكرة لسه شهر على الفرح يا عالم بقى ايه هيتغير
يوسف : انتِ واخدة الموضوع بيساطه جداً
ندى : فى ايه يا يوسف انت مكبر الموضوع اوى وبعدين مفيش مشكلة يعنى بتهيألى المهم ان احنا نتجوز صح
يوسف: صح
ندى : مالك بقى مضايق من ايه
يوسف : مفيش
ندى : هتخبى على نودى حبيبتك
(. خد يوسف موبايل ندى وقلب فيه شوية وبعدين ادهولها .)
يوسف : ممكن افهم ايه دى
ندى : دى مسج
يوسف : ايوة مانا عارف عندك تفسير ليها
ندى : تفسير ايه دى مسج عادية
يوسف : طيب اقريها
ندى بتقرأ >> لازم غصب عنى اتمنى لك السعادة بس برضه لسه عندى امل
يوسف : لسه برضه شيفاها مسج عادية
ندى : فى ايه
يوسف : انتِ ايه اللى كان بينك وبين حازم
ندى : مفيش اى حاجة بينى وبين حازم
يوسف : انا بقول كان
ندى : لا كان ولا دلوقتى ولا عمر كان بينا حاجة
يوسف : حكى لها موقف حازم معاه
ندى : لا لحظة ، انت اصلاً كنت عند عمتى بتعمل ايه !!
يوسف : مش موضوعنا
ندى : لا انا عايزة اعرف
يوسف : حكى لها سبب الزيارة
ندى : امم ما علينا ، بس حازم فعلاً بيحبنى او هو بيقول كده بس مفيش اى حاجة بينا والمفروض تبقى انت واثق فيا ومتفتش فى موبايلى
يوسف : انتِ هبلة ولا بتستهبلى
ندى : لا هبلة
يوسف : ايوة طبعاً هبلة وعبيطة كمان ، لانى لو مش واثق فيكي مكنتش بقالى اكتر من شهر مسألتكيش على موضوع حازم لانى عارف انه اى هبل
ندى : وفتحت المسج ليه بقى
يوسف : على فكرة انا شوفت المسج دى من زمان بس مش فاكر السبب اللى خلانى افتحها بصراحة لكن انا من يوم ما عرفتك عمرى ما فتحت موبايلك
ندى : طيب
يوسف : خلاص بقى متزعليش
ندى : انت عارف انى مقدرش ازعل منك
يوسف : وانا بحبك
ندى : مش اكتر منى
يوسف : لا طبعاً اكتر منك ، اصلاً مفيش حد بيحب حد زى مانا بحبك
ندى : يا سلام
يوسف : عندك مانع
ندى : لا طبعاً بس انا والله بعشقك
يوسف : طبعاً لازم تعشقينى انا لُقطة اصلاً
ندى : ده ايه الغرور ده
يوسف : لا بس يعنى واحد بيحبك الحب ده كله المفروض تحبيه
ندى : بس انا بحبك من قبل ما اعرف انك بتحبينى
يوسف : وانا بحبك من قبل ما تحبينى
ندى : بموت فيك بجد يا جو ربنا ما يحرمنى منك ، عارف انت رجعتلى حاجات كتير اوى كنت فكراها ماتت كفاية انك سبب انى ارجع افرح تانى
يوسف : وانا اوعدك انى مش هخلى الفرحه تفارقك ابداً
ندى : انا عمرى ما كنت اتخيل انى اقابل حد يحبنى كده
يوسف : ولا انا عمرى اتخيل انى احب واحدة كده
ندى : انا بعد ما قابلتك صدقت المثل اللى بيقول ربنا بيقطع من هنا ويوصل من هنا
يوسف : اشمعنى بقى
ندى : لانى اتحرمت من حاجات كتير بس ربنا عوضنى بيك
يوسف : ربنا يقدرنى واقدر اسعدك
ندى : انا كمان ربنا يقدرنى واسعدك
(. ربنا يقدر السناجل على الاستحمال :D .)
*_____________________________________________**___________________________*
فى بيت يوسف .....
لبنى : انت مش ملاحظ حاجة
امام : حاجة بخصوص ايه
لبنى : بخصوص اهل ندى
امام : مالهم
لبنى : ركز بس وقولى ملاحظ ايه
امام : هى فوازير يا لبنى ما تقولى على طول
لبنى : ابو ندى عجل بجواز بنته مع انها لسه صغيره جداً
امام : بس هى مش صغيرة
لبنى : جيل ندى ده مفهوش بنات بيتجوزوا بدرى كده
امام : ده يعنى اللى انتِ ملاحظاه
لبنى : لا ابو ندى متغير خالص تحسه تعبان خالص
امام : هو فى حد سليم
لبنى : انا قصدى انه عنده حاجة خطيرة ، وشه اسمر واحياناً بيبقى وارم ده غير شعره اللى خف خالص
امام : ربنا يشفيه
لبنى : انت ايه يا رجل انت البرود اللى نازل عليك ده
امام : مانا مش فاهم انتِ عايزة ايه
لبنى : خايفة يكون الرجل ده عيان وعنده حاجة خطيرة ومش هيطول وابنك بقى يلبس ندى باخواتها
امام : بصى يا لبنى معدش فيه مجال انك تحاولى تبوظى الجوازة وابنك ارتبط بـ ندى وهو مقتنع ان ابوها مش هيعيشلها العمر كله لا هى ولا اخواتها واخرة اخواتها معاه
لبنى : اكيد البت دى سحراله
امام : انتِ مش كان ربنا هداكى ايه اللى حصل تانى
لبنى : هو انا كنت مجنونة ولا ايه
امام : لا لا سمح الله انا اللى مجنون
لبنى : انا غلطانه انى بتكلم معاك (وقامت)
امام لنفسه >> على الله بقى تصلح غلطتها ومتتكلمش معايا تانى
*_____________________________________________**___________________________*
بعد مرور تلت اسابيع .....
الـنـهـاردة فــرح يـوسـف و نــدى ❤❤
(. فرح يوسف وندى كان فى قاعة فى القاهرة ، يوسف عمل لـ ندى ليلة حلوة اوى وابوها عملها مفاجأت كتيرة
، كان الكل فرحان جداً ، لبنى كانت بتحاول تتقبل الوضع وحازم حضر اول الفرح ومشى .)
__**__**__**__**__
فى شقة ندى ويوسف ......
(. وصلهم شريف وبسنت ومحمد ولبنى وامام .)
شريف : خد بالك على ندى يا يوسف
يوسف : فى عينى يا عمى
شريف : وانتِ خدى بالك على جوزك
ندى : حاضر
شريف : وبطلى عياط بقى
ندى : هتوحشونى اوى يا بابا (وحضنته)
شريف : يا بت بطلى بكش احنا خلاص اتركنا ربنا يخليلك يوسف
ندى : متقولش كده يا بابا
بسنت : هتوحشينى يا نودة
ندى : وانتِ كمان يا بُسبُس
شريف : كفاية عياط واحضان يالا عشان نروح
امام : هتروحوا فين انتوا هتباتوا معانا
شريف : لا والله مش هينفع احنا لازم نرجع اسماعلية
لبنى : هتسافروا بالليل كده ميصحش تعالوا باتوا عندنا والصبح يحلها حلال
شريف : والله مش هينفع بجد مش معانا هدوم ومبنعرفش ننام بره البيت
بسنت : طيب يالا بقى عشان احنا اتأخرنا اوى
شريف : طيب فين محمد
ندى : ايه ده صحيح فين مودى
شريف : يمكن تحت فى العربية
ندى : لا ده دخل معانا هنا
يوسف : هيكون راح فين يعنى
(. راح يوسف يدور عليه فى الشقة .)
ندى : لقيته يا يوسف
يوسف : اه لقيته نايم جوه
ندى : يا حبيب قلبى (. ودخلت اوضة نومها لقيته نايم على السرير .)
شريف : طيب يالا هشيله
ندى : ما تسيبه يا بابا
لبنى لـ امام بصوت واطى >> دى هبلة ولا ايه ؟
شريف : لا يا حبيبتى يالا تصبحوا على خير
(. وخد محمد ونزلوا كلهم .)
بعد ما نزلوا .....
يوسف : مالك يا نودى
ندى : اول مرة ابات بعيد عن محمد وبسنت
يوسف : طيب ايه اخلى عمو يرجع
ندى : بجد يا يوسف
يوسف : اه طبعاً بجد بس يرجع ياخدك معاه
ندى : اخص عليك يا يوسف
يوسف : يا حبيبتى دى اول ليلة لينا مع بعض مش معقول تبقى نكد كده ، عايزين نقول كلمتين حلوين
ندى : طيب سبنى اعيط شوية الاول
يوسف : طيب خلينا مع بعض النهاردة وبكرة اوعدك نطلع على القرافة سوا ونعيط ونلطم وكل حاجة
ندى : ايه القرافة دى !!
يوسف : اللى بيدفنوا فيها الاموات
ندى : احنا بنقول عليها مدافن
يوسف : ماشى يا منجاوية قصدى يا اسماعلوية
ندى : هههههههه لا حلوة منجاوية دى
يوسف : طيب ايه بقى
ندى : ايه ؟
يوسف : ايه
ندى : ايه فى ايه ؟
يوسف : مش جعانه اصلى ميت من الجوع
ندى : اهاا طبعاً جعانه
يوسف : طيب يالا (وفك لها الطرحة)
ندى : ايه الرومانسية دى كلها
يوسف : انا بحبك اوى بجد ومبسوط فوق ما تتصورى
ندى : عارف انا ............
يوسف يقاطعها : هُش مش عايز اسمع اى حاجة انا بس عايز ابص فى عينك كده
ندى : انا بحبك اوى
يوسف : وانا بموت فيكي (وحضنها)
ندى : ربنا ما يحرمنى منك
يوسف : انا من يوم ما شوفتك وانا بحلم باليوم ده اللى تكونى فيه حلالى وفى حضنى كده من غير ما اكون خايف من اى حاجة
ندى : وانت قبل كده كنت خايف من ايه بقى
يوسف : هههههه من ربنا طبعاً ، مكنتش اقدر اقربلك ولا حتى امسك ايدك
ندى : بس انت عملتها قبل كده
يوسف : لحظة شيطان بقى وراحت لحالها انتِ كنتى زعلتى
ندى : لا طبعاً قولتلك مقدرش ازعل منك
يوسف : بس انا كنت قد كلمتى ومعملتهاش تانى اهو
ندى : انت احسن راجل فى الدنيا
يوسف : وانتِ احلى بنوتة فى الدنيا واحلى حاجة حصلتلى
(. وسكتت شهرذاد عن الكلام المُباح .)
__**___**___**__**__
بعد مرور خمس ساعات .....
(. يوسف وندى نايمين وفجأة موبايل ندى رن .)
يوسف : ندى اصحى موبايلك بيرن
ندى : دى نغمة بسنت
يوسف : طيب قومى شوفيها عايزة ايه
ندى : الو ايوة يا بوسى
بسنت : معلش يا ندى هو انا صحيتك
ندى : لا يا حبيبتى ولا يهمك انتوا كويسين
بسنت : بصى هو بابا قالى مكلمكيش خالص بس انا كان لازم اكلمك
ندى : خير يا بسنت فى ايه
بسنت : ...............................
اشوفكم الحلقة الجاية
ارجو التقييم بـ تعليق
*_____________________________________________**___________________________*
بـ قلمى / آلاء الشريفى
(. لو حد عايز ينقل القصة يراسلنى على رسايل صفحة الفيس بوك .)
0 التعليقات :
إرسال تعليق