الحلقة الخامسة
جزء من حلقة سابقة :
رئيسه : ان شاء الله خير ، الموضوع كله يتلخص فى جمله واحده
مالك : خير يا افندم !!
رئيسه : ..................
*_____________________________________________**___________________________*
رئيسه : انت مطلوب فى جهة أمنية
مالك باستغراب : جهة امنية !! طيب وشغلى فى المباحث
رئيسه : هتسيبه انت مطلوب بالاسم يا مالك
مالك : اشمعنى انا يا افندم
رئيسه : انا مقدرش احدد السبب بس اكيد لـ كفائتك ، المفروض ان دى حاجة تفرحك مش تخليك تقلق
مالك : ممكن اعرف الجهة اللى انا مطلوب فيها
رئيسه : المخابرات العامة
مالك : المخابرات !!!!
رئيسه : ايه قلقان ؟!
مالك : خايف مكنش قد المسئولية دى
رئيسه : واكيد هما اختاروك عشان انت فى نظرهم قدها
مالك : تمام يا افندم
رئيسه : هتوحشنا والله يا مالك بس يارب تبقى مستريح فى مكانك الجديد
مالك : وهى المخابرات فيها راحة يا افندم
رئيسه : ربنا معاك ان شاء الله
مالك : متشكر يا افندم
(. وخرج مالك من مكتب رئيسه وهو ما بين كذا احساس لخبطوه ، حاسس انه مبسوط انه فى مكانه مهمة زى دى ، حاسس برضه ان جه الوقت انه يخدم بلده بجد وبرضه قلقان وخايف ميكنش قد المسئوليه ، مالك راح صلى ركعتين عشان ربنا يباركله فى الخطوة الجديدة دى فى شغله .)
*_____________________________________________**___________________________فى احدى المطاعم ......
اروى : بابا لو عرف انى اتغديت بره هيزعل اوى
مالك : مش فاهم ايه المشكلة
اروى : من مقدسات العائلة عندنا ان كلنا نكون متجمعين على الغدا والغدا مش اى حاجة تانيه
مالك : لو كنت اعرف مكنتش عزمتك على الغدا بس انا بصراحة حسيت انى عايز اتغدى معاكى
اروى : دى حاجة تسعدنى طبعاً بس انت مالك حاسه ان فيك حاجة
مالك : اناا تنقلت من شغلى
اروى : اتنقلت !! اتنقلت فين
مالك : جهة أمنية
اروى : يعنى فين !!
مالك : جهة امنية يا اروى ومتسأليش كتير
اروى : طيب دى حاجة حلوة ولا وحشة
مالك : مش عارف ادعيلي انتِ بس
اروى : ربنا معاك بس ممكن يكون بابا ورا النقل ده !!
مالك : ماظنش
اروى : ليه
مالك : انا مش منقول بمعنى كلمة منقول
اروى : مش فاهمه يعنى ايه
مالك : انا مطلوب هناك بالاسم
اروى : ده معناه انك ظابط كويس
مالك : او رايح هناك عشان اتظبط
اروى : انا مش فاهمه حاجة
مالك : مفيش حاجة وخلاص بقى بلاش نتكلم فى الموضوع ده كتير
اروى : اوكى زى ما تحب ، بس انا ليه مبقدرش اعرف تعابير وشك
مالك : يعنى ايه
اروى : يعنى مبسوط او زعلان او بتفكر دايماً وشك واخد نفس رد الفعل
مالك : مش عارف بس عموماً انا بحاول اتحكم فى ردود افعالى وتعابير وشى
اروى : حتى مع الناس اللى بتحبهم
مالك : مش فكرة ناس بحبهم او لا
اروى : امال
مالك : انا بس بعرف اختار الوقت اللى اتحكم فيه فى نفسى والوقت اللى اسيب فيه نفسى
اروى : ممكن اسألك سؤال
مالك : اكيد
اروى : من يوم ما عرفتنى عمرك قولت عليا رخيصة ؟
مالك : لا طبعاً انا كل اللى انا قولته انك طايشة ومتسرعه بس عمرى ما فكرت بالطريقة دى اطلاقاً
اروى : هو انا فعلاً طايشة ومتسرعه ؟
مالك : اياً كان يعنى الطيش والتسرع مش صفات سيئة زى الرخص
اروى : عندك حق بس والله انا عمرى ما عملت كده مع حد غيرك
مالك : انتِ ليه كل شوية تقوليلي عمرى ما عملت كده !! ليه مصرة كل شوية تقوليها ؟
اروى : عشان تصدقنى
مالك : وانا مكدبتكيش يا اروى انا برضه ليا نظرة فى اللى قدامى
اروى : يعنى مصدقنى
مالك : بصى هعلمك حاجة للزمن ، لما تلاقى شخص كل شوية يقول انا متدين انا بحافظ على صلاتى وكلامه مبيخلاش من مدح نفسه وتعظيم سماته وحسناته اعرفى انه العكس تماماً وعنده نقص بيحاول يعوضه او زى ما بيقولوا كدب الكدبه لحد ما صدقها
اروى : بس اكيد مش كل الناس
مالك : الاغلبية العظمى وخصوصاً اللى يقولك انا متدين او يقولك انا فاهم كل حاجة لا بيكون متدين ولا يعرف اى حاجة فى البطيخ
اروى : انت كلامك حلو اوى
مالك : ايوة طبعاً انا فاهم فى كل حاجة اصلاً
اروى : ههههههههههه يعنى المفروض انك دلوقتى متعرفش اى حاجة فى البطيخ
مالك : هههههههه بالظبط كده
اروى : على فكرة ضحتك حلوة اوى
مالك : وانتِ كلك على بعضك حلوة
اروى : بجد يا مالك
مالك : مش كل ما اقولك حاجة تقوليلي بجد لانى مبقولش حاجة الا لما تكون بجد
اروى : بصراحة طريقتك الجد زيادة عن اللزوم ومعاملتك القاسية نوعاً ما بتخليني مبصدقش اللى سمعته
مالك : مانا قولتلك قبل كده انتِ سهل تخليني اغير اسلوبى ومعاملتى دى للاحسن
اروى : ان شاء الله
مالك : اهو الاكل جه اهو ، بصى بقى عضى على خفيف عشان تاكلى مع باباكى بدل ما يزعل
اروى : اعض !!
مالك : اه يعنى كُلى على خفيف
اروى : ماشى
(. اتغدوا سوا وبعدها راح كل واحد على بيته .)
*_____________________________________________**___________________________*
فى قصر سامح الخولى .....
آدم : ممكن تفهميني وجهة نظرك
مروة : لان هو ده الصح
آدم : الصح انى معرفش ابويا على اهلك
مروة : ايوة يا ادم ده الصح
آدم : طيب افهم ليه
مروة : عشان ملهاش لازمة
آدم : ليه برضه
مروة : احنا كده كده راجعين المانيا اكيد يعنى مش هيكونوا على تواصل مع بعض
آدم : قولى الحقيقة يا مروة انتِ مكسوفة من ابويا او بالبلدى كده مستعرة منه
مروة : مستعرة !!! انا مستعرتش منك وتمسكت بيك لما كنت من غير اب جاى دلوقتى تقولى مستعرة
آدم : طيب اديني سبب يخليكي رافضة
مروة : قولى انت ايه هيتغير لما يعرفوا بعض صدقنى مش هيجي من روا الموضوع ده غير المشاكل
آدم : باباكى مش هيقبل يكون ابويا نسيبه صح !!
مروة : وارد جداً مش هكدب عليك لان ابويا عنده حتة غرور ومش عايزة تحط باباك فى موقف زى ده
آدم : تمام بس انا هروحله انا وعمر
مروة : حبيبي انا معنديش اى مشكلة هروح معاك انا وعمر وطول ما احنا هنا هنروح نزوره ولو حابب نروح نقعد فى اسكندرية شوية معنديش مانع
آدم : هكلمه وهشوف ظروفه
مروة : احنا هنرجع المانيا امتى
آدم : انا مش عايز ارجع يا مروة
مروة : نعم !! يعنى ايه !! انت عايزنا نعيش هنا
آدم : وايه المشكلة
مروة : انا مش عايزة اعيش هنا واحنا اتفقنا من قبل جوازنا ان احنا هنعيش فى المانيا على طول
آدم : انتِ مش دايماً تقوليلي مصر بلدى وبحبها ومش عارف ايه
مروة : دى حاجة ودى حاجة انا عايزة ارجع لـ حياتى ولـ شغلى وبيتي هناك
آدم : انا عايز اعيش مع بابا شوية مش كفاية اللى فات ده كله
مروة : انا سيبت اهلى اللى عشت معاهم عمرى وجيت معاك المانيا بس عشان بحبك
آدم : بصى بلاش نسبق الاحداث انا لسه مش عارف الدنيا فيها ايه
مروة : اوكى يا آدم بس بلاش نعيد اللى حصل بين مامتك وباباك من ٣٣ سنة
آدم : انتِ بتهدديني
مروة : لا بفكرك باللى حصل وانه اثر عليك ازاى ، انا رايحة اشوف عمر
آدم : ماشى
(. خرجت اروى وراحت اوضة عمر قصاد اوضتها ولقيت مامتها معاه .)
فاتن : فى ايه يا حبيبتى صوتكوا عالى ليه كده
مروة بعصبيه : البيه مش عايز يرجع المانيا وعايزنا نفضل هنا فى مصر
فاتن : طيب وايه المشكلة خليكوا معانا وفى وسطنا
مروة : يا ماما انا حياتى كلها فى المانيا ، بيتى وشغلى واصحابى
فاتن : بس اهلك هنا
مروة : برضه كل واحد له حياته انا هناك عندى شغلى اللى قدرت اثبت فيه نفسى اكيد مش هسيبه بالسهولة دى
فاتن : هو يعنى واخد قرار نهائى ولا ممكن يرجع فيه
مروة : قالى بلاش نسبق الاحداث
فاتن : خلاص يا حبيبتى بلاش تسبقى الاحداث فعلاً وفرى العصبية دى لما يكون قرار نهائى
مروة : هو لازم يفهم انى خلاص مش هسيب المانيا
فاتن : خلاص يا مارو ، هى اروى فين ؟
مروة : هى لسه مجتش
فاتن : اه مجتش ومجتش على الغدا كمان
مروة : تلاقيها مع مالك
فاتن : مالك مين ؟
مروة : اللى هى بتحبه وكانت بسببه حالته النفسية سيئة
فاتن : انا حاسة انى سمعت الاسم ده قبل كده
مروة : ما ده النقيب اللى كان بيحقق فى قضية السرقة الاخيرة
فاتن : اهااا، دى امبارح فتحت الموضوع مع ابوكى بس هو رفض
مروة : ليه ؟
فاتن : بيقول حياته وظروف شغله اروى متستحملهاش
مروة : بس هى بتحبه
فاتن : الحب مش كل حاجة يا مروة وفى النهاية ابوكى عايز يجوزها عشان تستريح مش عشان تعانى
مروة : طالما اختيارها يبقى هى حرة
فاتن : مش عارفة بقى ربنا يستر بس هو الموضوع بجد
مروة : بتهيألى اه
فاتن : المشكلة ان ابوكى بيعشق اروى فكرة انها تحب حد وتتجوز وتسيبه هو مش قادر يقبلها
مروة : يعنى هيخللها جنبه يا ماما ماهى مسيرها تتجوز
فاتن : ان شاء الله خير
مروة : ان شاء الله
(. خرجت فاتن من اوضة عمر .)
فاتن لـ الشغاله >> انا داخلة استريح شوية ولما اروى تجى خليها تدخلى
الشغالة : اروى هانم جت من حوالى ساعه ودخلت اوضتها
فاتن : جت من ساعة !!
الشغالة : ايوة يا هانم وقالت انها هتدخل تاخد دش وتنام
فاتن : يارب خير ، طيب روحى انتِ
(. دخلت فاتن اوضة اروى ، لقيت الاوضة ضلمة بس فى صوت اغانى شغاله .)
فاتن : اروى انتِ صاحية
اروى : ايوة يا ماما تعالى
فاتن : انتِ هنا من بدرى
اروى : من حوالى ساعة
فاتن : محدش حس بيكي يعنى
اروى : بصراحة انا اتسحبت مكنتش عايزة حد يشوفنى
فاتن : ليه يعنى
اروى : مزاجى كان رايق اوى ومش طالبه اتكلم مع حد ويعكنن عليا
فاتن : انتِ اتغديتي
اروى : اه اكلت بره
فاتن : مع مالك ؟
اروى : ايوة هو
فاتن : هو الموضوع ده اخره ايه بقى ان شاء الله
اروى : ادعيلي تبقى اخره خير
فاتن : بس ابوكى قال ..........
اروى : ابوس ايدك يا ماما مش وقته الكلام ده ممكن تسبينى دلوقتى ونتكلم بعدين
فاتن : ماشى يا اروى
(. وخرجت فاتن وفضلت اروى تسمع اغانى وتفتكر مالك وكانت مبسوطه جداً .)
*_____________________________________________**___________________________*
فى بيت مالك ......
فؤاد : انا شايف ان دى فرصة كويسة تثبت نفسك
مالك : انا ميهمنيش نفسى والله يا بابا قد ما يفرق معايا البلد دى ودى مس مجرد شعارات ده بجد
فؤاد : انا مقولتلكش انك متشيلش هم بلدك بس انت اخُترت بالاسم يبقى اثبت انك قد المسئولية وقد الثقة دى
مالك : انا هعمل شغلى والباقى ده بتاع ربنا اهم حاجة يا بابا الكلام ده ميتقالش لحد ولا لماما
فؤاد : يعنى هنقولها اتنقلت فين ؟
مالك : اكتفى بـ قول جهة امنية اى تفاصيل تانية قول متعرفش
فؤاد : ماشى يا ابنى ربنا معاك
مالك : انا لما قالى جهة امنية قلقت جداً
فؤاد : ليه
مالك : خوفت يكون امن دولة
فؤاد : وايه المشكلة بتهيألى انت كفاءة جداً وتقدر تثبت نفسك فى اى مكان
مالك : انا بحب اعمل شغلى بس مستغلش سلطتى واظلم وامن الدولة فيه افترى كتير اى نعم فيه مجرمين بجد يستحقوا بس فى ناس بتتاخد فى الرجلين والتعذيب احدى مهام امن الدولة
فؤاد : طيب احمد ربنا اهو سترها معاك وروحت المخابرات
مالك : الحمد لله طبعاً بس ادعيلي يا بابا دايماً
فؤاد : انا وامك مبنبطلش دعاء ليكوا
مالك : ربنا يتقبل ان شاء الله
فؤاد : عرفت ان محمد اخوك مش هيجي اجازة برضه السنة دى
مالك : ولا هيجي يا بابا محمد من زمان عايز يهج من البلد
فؤاد : ربنا يهديه ويحميه
مالك : امين يارب
*_____________________________________________**___________________________*
بالليل فى احدى الكافيهات .......
اروى : انا بجد مبسوطة اوى يا سمر عايشة احلى ايام حياتى
سمر : مبسوطه عشان بينكم مشروع صداقة
اروى : نظرات مالك ليا كلها حب بس هو مش عايز يتسرع
سمر : عموماً خدى حذرك بدل ما يجي يقولك انا مش قادر اكمل او مش قادر اعتبرك اكتر من صديقة
اروى : انتِ بتقولى ايه
سمر : بقولك اللى ممكن يحصل حاولى تعرفى راسك من رجلك مع مالك ده
اروى : راسى من رجلى !! انا مش فاهمه حاجة
سمر : يعنى ميفضلش مقضيها معاكى ويقولك انتِ صديقة المفروص يبقى فيه خطوة بجد لاما تنهى الارتباط ده
اروى : بس انا حاسة انه هياخد الخطوة دى قريب
سمر : كل ما اتأخرت انتِ اللى هتبقى الخسرانه ، انا بقولك كده عشان خايفة عليكي
اروى : عندك حق انا لازم اعرف انا ايه عنده
سمر : ربنا يسعدك يا حبيبتى
اروى : يارب
*_____________________________________________**___________________________*
بعد مرور شهرين ...........
- مالك راح شغله الجديد واستقر فيه بس دايماً مشغول
- اروى ومالك بيتكلموا وبيخرجوا بس برضه فى حدود الصداقة ومالك مصرحش بمشاعره خالص
- اروى حاولت تخلى مالك ياخد خطوة فى علاقتهم بس هو لسه مصمم انهم اصدقاء واروى مقدرتش تبعد عنه
- اروى بدأت تعمل كل حاجة ترضى مالك ومالك بدأ يرتاح معاها
- آدم بيزور ابوه هو ومروة وابنه وقرروا يقعدوا فى مصر شوية وبعدين هيرجعوا المانيا
*_____________________________________________**___________________________*
فى قصر سامح الخولى ......
فاتن : يعنى خلاص هتمشى يا مروة
مروة : هنجى اجازات والله يا ماما
سامح : طيب وليه الشحططة دى يعنى ما تخليكوا معانا وخلاص
آدم : مروة مصممه ترجع عشان شغلها
فاتن : اخص عليكي بجد يا مروة احنا خلاص اتعلقنا بيكم وبـ عمر
مروة : خلاص بقى متوجعيش قلبى والله فى اول فرصه ينفع نجى هنجى
سامح : يالا توصلوا بالسلامه ان شاء الله
آدم : الله يسلمكم
(. ومشى آدم ومروة عمر لـ المطار ومن المطار الى المانيا .)
__**__**__**__
(. اروى جت من بره .)
سامح : حمد الله على السلامه
اروى : الله يسلمك
فاتن : كده متحضريش اختك وهى مسافرة
اروى : لا يا ماما انا قابلتهم فى المطار
سامح : انتِ كنتى فين يا اروى
اروى : كنت بره
سامح : مانا عارف انك كنتى بره ، كنتى بره فين
اروى : مع اصحابى
سامح : ولا كنتى مع حضره الظابط
اروى : تفرق ؟
سامح : انتِ كده بتعانديني يا اروى انا استحالة اوافق على الجوازة دى
فاتن : اهدى يا سامح انت يعنى شايفها داخله علينا بالمأذون
اروى : بابا لو سمحت دى حياتى انا واعيشها زى مانا عايزة مش زى ما حضرتك عايز
سامح : برضه مش هتتجوزيه
اروى : ماشى (ومشيت)
فاتن : فى ايه يا سامح هو عند وخلاص
سامح : لا مش عند بس بنتك مش عارفة مصلحتها فين
فاتن : مانت قولت كده على مروة وطلعت مصلحتها مع آدم
سامح : دى حاجة ودى حاجة
فاتن : هما الاتنين حاجة واحدة وبعدين انت رافض ليه اصلاً هو انت كنت قعدت مع الشاب ولا شوفته حد
سامح : انا رافض مبدأ جواز بناتى من ضباط
فاتن : طيب ممكن اعرف السبب
سامح : السبب فى انى تعاملت مع ضباط كتير وعارف حياتهم وعارف هما بيتعاملوا ازاى فى بيوتهم وفوق ده كله عاارف دخلهم
فاتن : بلاش نسبق الاحداث جايز يبقى من عيلة كبيرة وعايش مرتاح
سامح : ماشى
فاتن : اهدى كده يا حبيبي وان شاء الله خير
سامح : يارب
(. طلعت اروى اوضتها واتصلت على مالك وحكت له على الحوار اللى حصل .)
مالك : طيب
اروى : هو ايه ده اللى طيب
مالك : معنديش تعليق على اللى حصل
اروى : مالك انت لازم تاخد خطوة وتعرفنى راسى من رجلى انا بالنسبة لك ايه
مالك : حبكت يعنى
اروى : ايوة حبكت انا عايزة اعرف انا بالنسبة لك ايه ، صديقة ولا حاجة تانية
مالك : امممممممم
اروى : خلاص يا مالك فهمت
مالك : فهمتى ايه
اروى : فهمت انى ولا حاجة بالنسبة لك
مالك : والله انتِ غبية ومش فاهمه حاجة
اروى : انا غبية !!
مالك : ايوة
اروى : ليه بقى
مالك : عشان بحبك
اروى : ايه !!
مالك : لا انا مبعدش كلامى مرتين
اروى : مترخمش بقى
مالك : بـ حـ بـ كـ
اروى : وانا بموت فيك والله يا مالك انت متعرفش انا بحبك قد ايه
مالك : لا عارف بس انا بحبك اوى برضه
اروى : ياااااه يا مالك اخيراً
مالك : بس يا خفيفة
اروى : انا خفيفة اخص عليك بجد
مالك : بهزر معاك والله يا حبيبتى
اروى : حبيبتك !!
مالك : ايوة طبعاً حبيبتى
اروى : انا بجد قلبى هيقف
مالك : لا بعد الشر عليكى
اروى : ربنا يخليك ليا يا مالك
مالك : ويخليكي ليا ، انا هنام بقى عشان عندى شغل الصبح
اروى : اوكى يا حبيبي تصبح على خير
مالك : وانتِ بخير يا حبيبتى (وقفلوا)
__**__**__**__
اروى لـنفسها >> ياااااااه اخيراً انا مبسوطة اوى يارب تكمل سعادتى دى للاخر واتجوز مالك يارب اتجوزه
مالك لـنفسه >> يارب ما اكون اتسرعت ، يارب يا اروى تطلعى زى ما كنتى فى الفترة الاخيرة
*_____________________________________________**___________________________*
بعد كام يوم فى قصر سامح الخولى ....
فاتن : سامح انا عايزة اتكلم معاك فى موضوع
سامح : خير
فاتن : اروى عايزة تتجوز مالك
سامح : وانا مش ها موافق حاجة تانيه
فاتن : يا سامح البنت بتحبه وهو بيحبها
سامح : المفورض دلوقتى انى اتعاطف معاهم واوافق
فاتن : لا بس بدل ما نخليها تعمل زى مروة
سامح : هو انا لازم فى جوازات بناتى ابقى مُجبر
فاتن : وليه يا حبيبي تبقى مُجبر لما ممكن توافق بمزاجك
سامح : بنات يفرحوا ونعم الخلفة
فاتن : يا حبيبي لما نجوزها اللى بتحبه ويفشلوا مش هنكون احنا اللى غلطانين لكن لما نحرمها منه هتغلطنا وهتفضل العمر كله بتغلطنا
سامح : طيب
فاتن : طيب ايه موافق
سامح : لا
فاتن : امال
سامح : هفكر فيها بالعقل كده واحسبها واشوف وابقى ارد عليكم
فاتن : ان شاء الله هتوافق يا حبيبي عشان خاطر اورى
سامح : ربنا يسهل
*_____________________________________________**___________________________*
فى احدى الكافيهات .....
اروى : انت وحشتنى اوى
مالك : وانتِ كمان
اروى : فيك ايه يا مالك انت كويس
مالك : انا عايز اقولك حاجة بس حاولى تفهميني
اروى : فى ايه يا حبيبي
مالك بص الناحية
اروى (مسكت ايده) : مالك يا حبيبي فيك ايه
مالك : .....................
__*__*__
ارجو تتقييم الحلقة بـ تعليق
*_____________________________________________**___________________________*
بـ قلمى / آلاء الشريفى
(. لو حد عايز ينقل القصة يراسلنى على رسايل صفحة الفيس بوك .)
0 التعليقات :
إرسال تعليق