الحلقة السابعة
جزء من حلقة سابقة :
فاتن : طمنى على اروى يا سامح فى جديد
سامح : ............................
*_____________________________________________**___________________________*
سامح(بيقعد على كرسى) : كل اللى يجيبه ربنا خير
فاتن : شكلك ميطمنش يا سامح فى ايه
سامح : لقيوا بنت مواصفاتها قريبة لـ اروى على طريق اسكندرية على بعد ١٠ كيلو من المكان اللى سابت فيه العربية
فاتن : يعنى ممكن تبقى اروى !!
سامح : يارب ما تبقى ما اروى
مروة : ليه يا بابا
سامح : عشان البنت اللى لقيوها جثة
فاتن مصدومه : جثة !!! (ووقعت من طولها)
(. شالوها وطلعوها اوضتها وفوقوها .)
__**__**__**__
فى اوضة فاتن ....
فاتن بدموع : اروى ماتت يا سامح اروى خلاص راحت منى
مروة : اهدى يا ماماا ن شاء الله مش هتطلع هى
فاتن : بيقولك نفس مواصفاتها
سامح بعصبيه : بدل مانتِ عماله تعيطي وتندبى قومى ادعيلها انها تطلع مش هى
(. هنا الظابط اتصل بـ سامح وطلب منه يجيوا المشرحة عشان يتعرفوا على الجثة ، راح المشرحة سامح وفاتن ومروة وآدم .)
*_____________________________________________**___________________________*
فى المشرحة ....
دكتور : حضراتكم اهلها
سامح : ايوة
دكتور : مسموح بدخول شخص واحد قريب من الدرجة الاولى
فاتن : انا مش هقدر ادخل يا سامح مش هقدر اشوفها
سامح : هدخل انا يا دكتور انا ابوها
دكتور : اوكى اتفضل معايا
(. دخل سامح المكان اللى فيه الجثة وفضلت فاتن ومروة وادم وبره .)
فاتن : يااارب ما تطلع هى يارب
مروة : ان شاء الله يا ماما مش هتطلع هى متقلقيش
فاتن : انا عمرى ما هسامح ابوكى على اللى عمله معاها
آدم : يا طنط مينفعش تقولى كده قدام عمو اكيد هو حزين زى حضرتك بالظبك
(. هنا خرج سامح وهما طلعوا جرى عليه .)
مروة : خير يا بابا هى ولا مش هى
سامح : مش هى مش اروى اطمنى يا فاتن (وخدها فى حضنه)
فاتن : احمدك يارب
سامح : تعالوا نخرج من المكان ده
فاتن : عايزة اصلى ركعتين شكر لله
مروة : تعالى نروح ونصلى كلنا
(. ومشيوا كلهم من المشرحة على القصر .)
*_____________________________________________**___________________________*
فى بيت مالك ....
شهيرة : فؤاد انا بفكر نخطب يمنى لـ مالك
فؤاد : بس هو مش عايزها وتقريباً بيحب واحدة تانيه
شهيرة : ماهو تقريباً كده الموضوع ده بايظ ومالك يا حبيبي قاعد طول اليوم مهموم
فؤاد : ربنا يريح قلبه
شهيرة : ماهو عشان ينسى اروى دى لازم تدخل حياته واحدة تانيه
فؤاد : هو اصلاً مكنش ناوى يخطب يمنى اصلاً تقومى تخطبيهاله وهو بيحب غيرها
شهيرة : يمنى بنوتة دلوعه كده وبلغة الزمن ده روشة والشخصية دى هى اللى تقدر تخرج مالك من الحالة دى
فؤاد : برضه هتقنعيه ازاى يخطبها
شهيرة : احنا نورطه فيها وهو هيبقى مضطر
فؤاد : مالك مش صغير يا شهيرة عشان نحطه قدام الامر الواقع وبعدين مش عشان تخرجى ابنك من اذمة تدخلى واحدة تانيه فى اذمة
شهيرة : قصدك مين
فؤاد : يمنى ، انتِ كده هتبقى بتظلميها لان مالك مبيحبهاش ومالك ابنك مش صغير عشان واحدة تنسى واحدة تانيه بيحبها
شهيرة : يعنى هنسيبه كده
فؤاد : مالك مش صغير وهو يعرف ازاى يخرج نفسه من الاذمة دى
شهيرة : ربنا معاه يارب ويريح باله وقلبه
*_____________________________________________**___________________________*
فى شغل مالك ..
(. مالك قاعد مشغول جداً ومستنى اتصال ياسر عشان يقوله الجثة اللى لقيوها دى لـ اروى ولا لا .)
مالك لنفسه >> ليه كده يا اروى !! ليه تعملى فينا كده !! حتى لو زعلانه منى او من باباكى مفكرتيش فى ناس تانية بتحبك مفكرتيش فى امك ممكن يجرالها ايه لمجرد انك مختفيه امال لو حصلك حاجة ممكن يحصلها ايه !!
>> ايه يا حضرة الظابط ما تشوف شغلك من امتى وانت حياتك الشخصية بتأثر على شغلك
(. قطع حبل افكار مالك جرس موبايله .)
مالك : ايوة ياسر هى ولا مش هى
ياسر: اطمن يا مالك مش هى
مالك : طيب الحمد لله
ياسر : بس انا عرفت مكانها فين
مالك : فين
ياسر : بره مصر
مالك : سافرت !!
ياسر : اه سافرت
مالك : انت ازاى اصلاً متحطش اسمها ضمن قايمة الممنوعين من السفر
ياسر : اذا كان ابوها ذات نفسه هو اللى طلب منى كده وقالى اصلها استحالة تسافر بس قولت برضه اشوف كشوف المسافرين اليومين اللى فاتوا
مالك : سافرت فين
ياسر : انجلترا تحديداً لندن
مالك : عشان كده سافرت بسرعه
ياسر : يعنى ايه
مالك : هى معاها الجنسية عشان كده مفيش اجراءات سفر روتينيه
ياسر : اممم طيب ايه انا بلغت ابوها
مالك : تمام ، بس لو هى سافرت بره مصر ومن مطار القاهرة اللى ودى العربية عند كارتة اسكندرية
ياسر : اقولك تفسيري انا للموضوع ده ايه
مالك : قول
ياسر : اروى عايزة تربكك انت وابوها ، عايزة تحسسكوا بغلاوتها عندكم عشان كل واحد يتراجع عن موقفه معاها
مالك : تقوم تعيشنا على اعصابنا الفترة دى كلها
ياسر : هى عايزة تشغلكوا وتخوفكوا عليها عشان تحسوا بقيمتها
مالك : ربنا يهديها والمهم انها بخير
ياسر : ويهديك انت كمان
مالك : ماشى يا معلم واسف لو تعبتك معايا اليومين اللى فاتوا
ياسر : عيب يا مالك احنا اصحاب بس ابقى خليني اشوفك
مالك : ان شاء الله (وقفلوا)
*_____________________________________________**___________________________*
فى قصر السفير سامح الخولى ...
(. ياسر كان كلمهم قبل مالك وقالهم انها سافرت لندن وقالهم معاد رحلتها كانت امتى .)
فاتن : كده يا اروى تعملى فينا كده
مروة : المهم انها بخير يا ماما
فاتن : انا عايزة اسافر لها يا سامح
سامح : لا خليكي انا هسافر اجيبها واجى
فاتن : وافرض مرضيتش تجى
سامح : احنا اتطمنا انها بخير سواء جت او مجتش
مروة : بابا بيتكلم صح يا ماما الخلاف بينهم هما خليه يروح هو ويصالحها وهى هتقتنع وهتجى
فاتن : خلاص اسافر معاك
سامح : والبنت اللى سابت شغلها وحياتها وجت تقعد معاكى دى هتسيبيها
مروة : مش مشكله يا بابا احنا لو هى عايزة تسافر معاك خدها
سامح : انا قولت هسافر لوحدى ويا ستى لو مجتش بيها فى خلال يومين ابقى تعالى
فاتن : ماشى يا سامح بس يومين بس
سامح : اوكى ماشى
مروة : هتسافر امتى يا بابا
سامح : النهاردة بالليل ان شاء الله
فاتن : طيب هقوم احضرلك الشنطة
مروة : خليكي انتِ يا ماما هطلع انا احضر لـ بابا الشنطه (وطلعت مروة)
فاتن : سامح انت لازم تجوزها مالك
سامح : ليه لازم يعنى
فاتن : اديك شوفت احنا عشنا ازاى الايام اللى فاتت
سامح : الحمد لله انها بخير والموضوع بتاع مالك نبقى نتكلم فيه بعدين
فاتن : طيب متزعلهاش ممكن
سامح : ماهى عملت الفيلم ده كله عشان منزعلهاش واحنا لازم نحسسها ان اللى عملته ده مهزش فينا شعرة
فاتن : وهو مهزش فيك شعرة ؟
سامح : يا فاتن افهميني لو اروى حست انها لعبت اللعبه صح وضغطت علينا محدش هيقدر عليها بعد كده اساساً المفروض لما ترجع متقبليهاش بالبوس والاحضان والدموع المفروض تحسسيها قد ايه احنا زعلانين وان اللى عملته ده اكبر غلط
فاتن : بس المرة دى هى طلعت كويسة وفى امان منضمنش المرة الجاية ايه اللى ممكن يحصل
سامح : لو عملناها المرة دى بقسوة مش هيكون فى مرة تانيه اصلاً
فاتن : بس اشوفها واطمن عليها وساعتها هعملك اللى انت عازوه
سامح : ماشى هروح استريح لحد معاد الطيارة
فاتن : ماشى يا حبيبي انا هطلع معاك
__**__**__**__
فى اوضة مروة وآدم ...
آدم : يعنى هو ابوكوا مصمم يطفشكوا واحدة ورا التانيه
مروة : ايه يا ادم فى ايه انت بتتكلم عن بابا كده ليه
آدم : اصلها حاجة غريبة اوى بصراحة يعنى متعلمش من اللى عمله معاكى ورايح يضيقها على اروى
مروة : على فكرة موضوعنا مختلف تماماً عن موضوع اروى
آدم : ازاى ؟
مروة : مالك اصلاً سابها ماهو بقى مش كل من واحدة دخلت علاقة وفشلت فيها تسيب البلد وتهج
آدم : بس ابوكى هو اللى خلى مالك يسيب اروى
مروة : مظنش
آدم : انا كمان مظنش انا متأكد
مروة : وايه اللى مخليك متأكد اوى كده
آدم : انتِ ناسية انه كان هددنى بالقتل لو مسبتكيش
مروة : طيب بفرض ان بابا عمل كده ، انت الشخص العادى مخوفتش منه واتجوزنا هو بقى الضابط اللى سلاحه فى جيبه والداخلية كلها وراه وفوق ده كله مؤمن ان الموت بايد ربنا هيخاف
آدم : مش شرط يكون هدده بالقتل ممكن يكون هدده انه هيأذيه فى شغله وممكن كمان ميكونش هدده بطريقة مباشرة
مروة : بمعنى !!
آدم : بمعنى انه وصى حد عليه
مروة : يا آدم يا حبيبي بابا خلاص طلع على المعاش يعنى اللى كان يقدر يعمله زمان ميقدرش يعمله دلوقتى
آدم : لا طبعاً ابوكى كل اللى حصله انه طلع على المعاش بس الامكانيات والمكانه وعلاقاته محتفظ بيهم ده حتى اللقب
مروة : بص يعنى سواء بابا ورا اللى حصل او لا فالمفروض مالك يكون اشجع من كده
آدم : المهم انها بخير واى حاجة تانيه هتتحل
مروة : جبت المفيد يا حبيبي
آدم : طيب ايه مش هنروح اسكندرية ؟
مروة : هنروح طبعاً بس لما اروى تجى ونطمن عليها
آدم : اروى قدامها فوق التلت ايام لحد ما تجى ده ان ابوكى اقنعها يعنى وجت
مروة : بابا هيسافر النهاردة بالليل وهيبلغنا الاخبار لو قالنا انهم هيتأخروا او مش هتجي هنسافر على طول
آدم : اوكى ماشى
*_____________________________________________**___________________________*
فـى لـنـدن .....
(. وصل سامح لندن وتوقع ان اروى تكون فى شقتها اللى كانت قاعده فيها لما كانت بتدرس هناك ولقاها موجوده فعلاً ، الجرس ضرب وقامت اروى تفتح .)
اروى مصدومه : بابا !!
سامح : ممكن ادخل ولا عندك مانع
اروى : اتفضل يا بابا
بعد ما دخل .....
اروى : انتوا عرفتوا مكانى ازاى
سامح : لما اختفيتي وقلقنا عليكي كان لازم نتصرف وبلغنا ، لما الظابط قالى يحط اسمك على قوائم الممنوعين من السفر قولتله لا طبعاً انا بنتى استحاله تسافر بره مصر من غير ما تقولى
اروى : انا كان لازم ابعد شوية
سامح : انا كنت عارف انك هتيجي هنا بس ده ميمنعش ان احنا كنا هنموت من القلق عليكي
اروى : انا اسفة
سامح بزعيق : والمفروض اعمل ايه بالاسف ده
اروى : مانتوا اللى اضطرتونى اعمل كده انا كنت مخنوقة ومش لاقيه حد الجأله لقيت نفسى جاية هنا
سامح : هنسافر الصبح
اروى : انا مش عايزة ارجع
سامح : هترجعى عشان امك على الاقل
اروى : انا تعبانه يا بابا انا محتاجه ابعد عن المكان اللى فيه مالك
سامح : انا مش ورا اللى مالك عمله ولا ليا دخل فيه بس انتِ لازم تشوفيه ماله وعمل كده ليه مش تهربى وتسيبي البلد
اروى : يعنى ايه ؟
سامح : يعنى انا موافق على جوازك منه
اروى بدموع : بعد ايه يا بابا بعد ايه
سامح : روحيله اتكلمى معاه وافهمى منه بلاش الاستسلام ده
اروى بكبرياء : لا يا بابا انا هرجع معاك بس مش هرجع لـ مالك انا خلاص مش عيزاه
سامح : اللى يريحك بس احنا لازم نرجع على الاقل عشان مامتك وعموماً انا برضه عند رأيي موافق على جوازكوا بس بشرط
اروى : شرط ايه ؟
سامح : تعيشوا معانا فى القصر
اروى : بابا انا هسافر معاك الصبح واعتبر موضوع مالك مقفول
سامح : ربنا يكملك بعقلك يا اروى يا حبيبتى
(. وناموا واتفقوا انهم الصبح يرجعوا مصر .)
*_____________________________________________**___________________________*
فى بيت مالك ....
(. مالك قاعد فى البلكونة ودماغه مشغولة جداً بـ اروى .)
شهيرة : ايه يا كابتن اللى مصحيك لحد دلوقتى
مالك : مجانيش نوم يا ماما
شهيرة : انت بتحبها يا مالك ؟
مالك : مش عارف
شهيرة : انت هتستعبط على امك يا واد انت
مالك : والله مش بستعبط انا بس محتار ومش عارف اعمل ايه
شهيرة : طيب فضفض معايا مش يمكن نقدر نوصل لحل
(. هنا صحى فؤاد وتدخل فى الحوار .)
فؤاد : ومن امتى وهو بيفضفض اصلاً
شهيرة : ايوة بس دلوقتى الوضع مختلف هو بيحبها وهى كمان بتحبه ايه بقى المانع ولا فعلاً ابوها ناوى يأذيك
مالك : يا جماعه الموضوع كله من الاساس اصلاً غلط
فؤاد : طيب ليه يا ابنى فهمنى
مالك : اروى بنت متدلعه بتسافر كل اسبوع وعلى الاقل بتسافر بره مصر مرة فى الشهر عايشة حياة مرفهة جداً انا مقدرش اوفرهالها بجانب انها مش هتستحمل الحياة الناشفة اللى ممكن تعيشها معايا
فؤاد : انتِ مقتنعه يا شهيرة بالكلام ده
شهيرة : بصراحة لا
فؤاد : ولا انا
مالك : ليه يعنى مش مصدقين اذا كانت هى دى الحقيقة
فؤاد : بص يا ابنى احنا مش معترضين انك تكدب علينا اهم حاجة متكونش بتكدب على نفسك
شهيرة : ابوك بيتكلم صح المهم متكونش بتكدب على نفسك
مالك : هى دى الحقيقة انا لا بكدب عليكم ولا بكدب على نفسى
فؤاد : نتمنى تصبح على خير يالا شهيرة
شهيرة : مش عايز حاجة اعملهالك يا حبيبي
مالك : متشكر يا ماما تصبحى على خير
شهيرة : وانت بخير يا حبيبي
(. ودخلوا ناموا وفضل مالك صاحى فى البلكونة بيفكر فى مليون حاجة .)
*_____________________________________________**___________________________*
تانى يوم الصبح ...
(. مالك قبل ما يروح شغله راح المباحث العامه لـ ياسر .)
ياسر : اهلاً يا مالك اذيك
مالك : الحمد لله انت عامل ايه
ياسر : بخير ، عرفت ان سيادة السفير راح لندن يجيب اروى
مالك : لا وانا هعرف منين
ياسر : انا بلغته امبارح مكانها وهو قالى انه هيسافرلها
مالك : بس ازاى فى قضية اختفاء عدى عليها ٤٨ ساعه متحطش اسمها ضمن الممنوعين من السفر
ياسر : ابوها اللى طلب كده
مالك : حتى لو ابوها اللى طلب المفروض تنفذ القانون تحت اى ظروف
ياسر : انا شكيت بنسبه كبيرة انها ممكن تكون سافرت عشان كده روحت شوفت اسماء المسافرين
مالك : يالا حصل خير المهم انها كويسة
ياسر : الحمد لله
مالك : كنت عايز منك خدمة
ياسر : خير
مالك : انا عايز ملف سرقة قصر السفير سامح الخولى الاولى والتانيه
ياسر : ليه
مالك : اسباب شخصية
ياسر : بس احنا جايلنا اوامر سيادية عليا بقفل القضيتين دول وتقيدهم ضد مجهول
مالك : ايوة عارف وده عشان سلامة السفير واهله بس انا مش هفتح القضية
ياسر : امال عايزهم ليه
مالك : معرفش جالى فضول اقرأ فيهم ممكن ولا فى مانع
ياسر : لا طبعاً مفيش مانع هبقى اجبلك الملفات بتاعة القضيتين
مالك : متشكر يا ياسر واسف جداً على الازعاج اللى عامله لك ده
ياسر : العفو يا ابنى ايه الكلام ده
مالك : يالا اشوفك على خير (ومشى)
*_____________________________________________**___________________________*
فى قصر سامح الخولى .....
(. فاتن ومروة فى انتظار اروى ، دخلت اروى وسامح القصر وقامت فاتن جرى وخدتها فى حضنها .)
فاتن : اخص عليكي يا اروى كنت هموت عشانك
اروى : انا اسفة يا ماما
فاتن : اخر مرة تعملى فينا كده
اروى : انا اسفة يا ماما متزعليش منى
مروة : خلاص يا روءة ماما مش زعلانه
اروى (حضنت مروة) : وحشتيني اوى يا مارو
مروة : وانتِ كمان يا يت يا هبلة انتِ لسه معقلتيش
فاتن : تعالى يا حبيبتى يالا عشان تاكلى
اروى : حاضر يا ماما
(. خلصوا غدا ودخلت اروى خدت دش وقعدت فى جنينة الڤيلا .)
مروة : سرحانه فى ايه
اروى : بحاول الاقى تفسير لـ اللى مالك عمله
مروة : يعنى مش شاكه فى بابا
اورى : بحاول ابعد الشك عنه بس حاسة برضه ان بابا السبب
مروة : بصى يا روءة بابا هدد آدم اكتر من مرة بالقتل وآدم تمسك بيا واتجوزنا يعنى بفرض ان بابا هدد مالك سواء بحياته او بشغله المفروض مالك كان يتمسك بيكي شوية
اروى : طيب بفرض ان بابا فعلاً مهددش مالك تفتكرى مالك عمل فيا كده ليه
مروة : ببساطه عشان مبيحبكيش
اروى مصدومه : مبيحبنيش !!! لا يا مروة ده ............... (وسكتت)
مروة : ده ايه كملى !!
اروى ساكتة ومتنحه
مروة : مالك يا بنتى فى ايه !!
اروى : .......................
__*__*__
ارجو تتقييم الحلقة بـ تعليق
*_____________________________________________**___________________________*
بـ قلمى / آلاء الشريفى
(. لو حد عايز ينقل القصة يراسلنى على رسايل صفحة الفيس بوك .)
0 التعليقات :
إرسال تعليق