امومه بلا انجاب (الحادية عشر)

الحلقة الحادية عشر

فــى الـمـسـتـشـفـى ...

(. دخلت رواء اوضة العمليات والطبيب قرر انها تولد قيصري عشان قلبها مش هيستحمل الطلق وعشان جرح العملية اللى عملتها قبل كده ، عدى وقت طويل على غير المعتاد ، و وسيم و وداد وحبيبة وجمال كلهم واقفين بره وكلهم قلقانين عليها لانهم عارفين ظروفها الصحيه ، فجأة لقيوا ممرضة بتطلع جرى من اوضة العمليات ، كلهم اتخضوا وقلقوا جداً .)

وسيم بقلق : فى ايه !! بتجرى كده ليه !! مالها رواء ؟

الممرضة : المدام اللى جوه جالها نزيف ومحتاجه نقل دم

حبيبة بقلق : وفصيلة دمها موجوده

الممرضة : ايوة ايوة 

(. مشيت الممرضة بسرعه جداً وكلهم واقفين مصدومين ، وسيم مشى وسابهم عند اوضة العمليات .)

وداد بتنادى عليه : وسيم يا وسيم انت رايح فين ؟

جمال : سبيه يا ماما براحته ، ربنا يكون فى عونه

(. مشى وسيم وسابهم وراح قعد لوحده .)

بعد شوية ....

وسيم بدموع محبوسه وصوت مخنوق >> يارب قوملى رواء بالسلامه ، يارب انا مش عايز اى حاجة من الدنيا غيرها ، يارب خد منى اى حاجة بس سيبلى رواء انا مقدرش اعيش من غيرها دى هى فرحة ..........

(. هنا جه جمال بيجرى وقطع خلوة وسيم بـ نفسه وقطع كلامه .)

جمال : الحق يا وسيم رواء ولدت ، ولدت بنوته 

وسيم بدموع فرح : فرحة

جمال : مين ؟

وسيم : رواء كويسة

جمال : ايوة الدكتور بيقول انها كويسة وهتتنقل اوضتها واول ما تفوق نقدر نشوفها عادى

وسيم : وفرحة ؟

جمال باستغراب : فرحة مين ؟

وسيم : البنت ، بنتنا انا و رواء فين ؟

جمال : فى الحضانه 

(. وسيم كان فرحان جداً وطلع يجرى على اوضة رواء ، استنوا لحد ما فاقت وبعدين دخلوا لها ، وسيم اول ما شافها كان هيعيط من الفرحة راح لها وخد دماغها فى حضنه و وداد وحبيبة وجمال قعدوا على كراسي موجوده فى الاوضة .)

وسيم بيبوس دماغها : حمد الله على سلامتك يا حبيبتى

رواء : الله يسلمك ، شوفتوا البنت

حبيبة : اه شوفناها انا وماما

رواء : حلوة

وسيم : زى القمر اكيد طالعه لـ مامتها يعني

رواء : انت شوفتها ؟

وسيم : لا لسه انا جيت اشوفك انتِ الاول

وداد : اه صحيح عمك عبد الوهاب جه هنا عشان يشوفك وقال انه هيمر على الاقسام وبعدين يجي يشوفك تانى

حبيبة : هااا بقي هتسموا البنت ايه ؟

وسيم : فرحة 

رواء : فرحة !! اشمعنى 

وسيم : اولاً عشان هى هتكون فرحتنا ان شاء الله وثانياً عشان وانا فاقد الامل انك تعيشي جمال قطع كلامى مع ربنا ، كنت بقول دى هى فرحة عمرى مكملتش لسه كلمة عمرى دخل عليا جمال

جمال : عشان كده عمال تقولى فرحة فرحة انا مكنتش فاهم حاجة

وداد : اسم جميل فرحة ده

حبيبة : لا وكمان كله امل وتفاؤول

وداد : ربنا يخليهالكم يارب وتتربي فى عزكم وخيركم

(. جابوا فرحة من الحضانه لـ رواء والدكتور قال انها هتقعد فى المستشفى تلت ايام وبعدين تخرج ووسيم اصر انه يفضل معاها ، وداد وحبيبه قالوا انهم هيزوروها كل شوية .)

*_____________________________________________**___________________________*

بـالليل فى اوضة حبيبة ....

(. حبيبة بـ تكلم الياس فى الموبايل .)

حبيبة : متتصورش فرحتهم بـ فرحة يا الياس ، كانوا مبسوطين اوى واحنا كمان كنا مبسوطين

الياس : ربنا يخليهالهم بس انا ليه حاسس ان انتوا اوڤر شوية بـ فرحتكم

حبيبة : اولاً لان فرحة دى اول بيبي فى العيلة  انت معندكش ولاد اخ ؟

الياس : لا انا الكبير اخواتى اصغر منى يعني ولادى هيبقوا الفرحة رقم واحد

حبيبة : ان شاء الله

الياس : طيب وثانياً ؟

حبيبة : يعني ايه ؟

الياس : انتِ قولتى اولاً ومقولتيش ثانياً

حبيبة : اهاا ثانياً ان رواء اصلاً تعبانه  ومكناش معشمين انها تعيش فـ مبسوطين اوى انها قامت بالسلامه لا وكمان جابت لنا بنوته زى القمر

الياس : ربنا يخليهالهم

حبيبة : يارب

الياس : عارفة يا بيبتى انا بحلم باليوم اللى نتجوز فيه ، نفسى اوى اخلف منك

حبيبة : مش شايف ان لسه بدرى اوى على الكلام ده

الياس : بدرى من عمرك يا روحى. انا بس اتخرج واشتغل وهتجوزك على طول

حبيبة : اه صحيح احنا هنتجوز فين ؟

الياس : يعني ايه فين ؟

حبيبة : البلد يعني ؟

الياس : اكيد فى المنصورة  انا اصلاً شقتى فى المنصورة

حبيبة : امممممم كنت فاكرة اننا هنتجوز فى القاهرة

الياس : توء توء ، هنتجوز هنا فى بلدى

حبيبة : بتحبنى يا لالوس ؟

الياس : بموت فيكي يا عيون لالوس

حبيبة : انا كمان بموت فيك وبحبك اوى

الياس : ربنا يخليكي ليا. هاا بقي باقيلك كام مادة

حبيبة : مادة واحدة 

الياس : يالا شدى حيلك

حبيبة : متقلقش

الياس : ربنا معاكى يا حبيبتى

*_____________________________________________**___________________________*

فى الامارات ...

عبد الله : مالك يا حسام

حسام : مفيش يا بابا

عبد الله : مالك يا حسام اتكلم

حسام : بفكر فى حاجة

عبد الله : احنا مش كنا خلصنا من الموضوع ده ايه اللى فتحه تانى

حسام : انا عايز افهم ايه حكاية القضيه دى

عبد الله : ماشى يا حسام انا هفهمك

حسام : هتفهمنى ايه ؟

عبد الله : هـ افهمك ايه حكاية القضية ، ازابيلا فجأة كده رجعت بس لما رجعت مجتش حتى اتكلمت معايا لا الهانم راحت رفعت قضيه بـ ضمكوا ليها وبما انكم مُسلمين وهى مُلحده المحكمه مرضيتش عشان اختلاف الدين وقالوا ان الاولاد تأول حضانتهم لـ ام الزوجه ، جدتكم مسيحيه وانتوا مسلمين وبرضه المحكمه رفضت لان لازم اللى ياخدكوا يبقي حد من نفس دينكم اللى هو انا

حسام : بس فى ورق بيقول انها مُختله عقلياً

عبد الله : انت مش كنت عايز تعرف ايه قصة القضيه اديك عرفتها

حسام : بس اللى انا فهمته انها مُختله عقلياً 

عبد الله : والله ما حد مُختل غيرك ، هى يا بنى ادم لو مُختله عقلياً كانت خلفت تلت شوحطه زيكوا

حسام : بس فى اوراق بتقول انها ..................

عبد الله يقاطعه : انا مش عايز اعرف ولا افهم اللى عندى قولته 

حسام : تمام بس انت كل شويه بتقول جزء من الحقيقة وتختم الكلام بـ نفس الجمله ( اللى عندى قولته )

عبد الله : انا مش فاهم انت عايز ايه !! اشمعنى انت اللى مُهتم 

حسام : والمفروض مين تانى يهتم ؟

عبد الله : اخواتك ماهى امهم زى ما هى امك

حسام : كل واحد وشخصيته وطريقة تفكيره

عبد الله : انا نازل مصر اجازة

حسام : امتى ؟

عبد الله : كمان اسبوع

حسام : نازل عشان اتخنقت منى

عبد الله : لا عشان اطمن على امك واخواتك

حسام : طيب ما يجوا هما ما اخواتى اجازة

عبد الله : امك مش هينفع تسيب رواء لوحدها

حسام : تمام

*_____________________________________________**___________________________*

بعد كام يوم فى بيت وسيم و رواء .....

رواء بتنادى : وسيم يا وسيم تعالى بسرعه

وسيم : فى ايه يا روءه

رواء : فرحة فتحت عيونها

وسيم : حبيبة ابوها خدى الرضعه اهيه

رواء بتاخدها منه وبترضع فرحه : كان نفسى ترضع منى

وسيم : معلش يا حبيبتى عشان الادوية اللى بتاخديها غلط عليها 

رواء : طيب فيها لو كنت وقفت العلاج شوية ورضعتها ، اللبن الصناعى مش زى الطبيعي

وسيم : احمدى ربنا بقي ، انتِ كنتى معشمه تجيبي صباع بيبي حتى

رواء : اه كنت معشمه عارف ليه ؟

وسيم : ليه ؟

رواء : عشان ربنا كريم اوى وبيحبنا اوى

وسيم : ونعم بالله

رواء : ربنا يفرحنا بيها ان شاء الله ويخليها لنا

وسيم : يارب. اوعى تكونى زعلانه  ان اجازتى خلصت

رواء : لا يا حبيبي روح شوف شغلك 

وسيم : هما مامتك واخواتك مش هيسافروا الاجازة دى

رواء : لا قاعدين عشانى

وسيم : ربنا يخليكوا لـ بعض

رواء بتكلم فرحة >> لا لا اصحى متناميش

وسيم : سيبيها تنام

رواء : لا حبيبة هتجى عشان تشوفها

وسيم : قال يعني حبيبة جايه من كوكب تانى ده انتوا بينكوا وبين بعض الاسانسير

رواء : حبيبة فرحانه بـ فرحة اوى

وسيم : دايماً الطفل الاولانى بيكونله فرحة عن اى طفل فى العيلة

رواء : بمناسبة بقي الطفل الاول فى العيلة مش .........

وسيم يقاطعها : رواء مش عايز افتح الموضوع ده ممكن

رواء : بص يا وسيم انا عملت اللى عليا معاك فى حوار اهلك ده ولاول مرة بعترف بـ فشلى 

وسيم : يعني ايه ؟

رواء : يعني وعد منى ليك انى مش هفتح معاك الموضوع ده تانى ، انت حر تصالحهم او متصالحهمش ماشى

وسيم : ايوة كده تسلميلي على الكلمتين دول

رواء : فرحت دلوقتى

وسيم : انا فرحان طول مانتِ حبيبتى

*_____________________________________________**___________________________*

فى عيادة دكتور عبد الوهاب ....

حبيبة : هااا يا عمو نتيجة التحاليل ظهرت

عبد الوهاب : اه ظهرت يا حبيبتى

حبيبة : وايه الاخبار

عبد الوهاب : مش قولتلك ان بـ اصرارك وعزيمتك ربنا هـ يشفيكي

حبيبة : يعني انا خفيت !!

عبد الوهاب : لا بس بتتحسنى

حبيبة : بجد يا عمو

عبد الوهاب : بجد يا حبيبة عمو وعشان كده هنغير العلاج 

حبيبة : ليه ؟

عبد الوهاب : ده كلام دكتور النسا ، هو بيقول هنبدل ادويه معينه ببعضها وفى ادويه هنزود جرعتها طالما العلاج جايب نتيجه

حبيبة : اوك ماشى بس هو ممكن سؤال

عبد الوهاب : اتفضلى يا حبيبتى

حبيبة : هو ليه انا مبشوفش دكتور النسا ده

(. طلع عبد الوهاب كارت من درجه .)

عبد الوهاب : ادى يا ستى كارت دكتور النسا اللى بيكتبلك العلاج ومتابع حالتك

حبيبة : عمو انا مقصدش حاجة وحشة

عبد الوهاب : انا فاهمك يا حبيبة ، ده انتِ بنتى يا بت

حبيبة : ربنا يخليك ليا يا عمو

(. طلع عبد الوهاب كيس فى ادويه وعرف حبيبة هتاخد ايه وتوقف ايه وتزود ايه .)

عبد الوهاب : بقولك ايه انتِ وراكى حاجة فى الاجازة

حبيبة : لا ليه ؟

عبد الوهاب : انا مسافر لندن ما تجى معايا وهو بالمرة تشوفى ولاد عمك

(. ولاد عبد الوهاب ومراته عايشين فى لندن طول عمرهم عشان ولاده بيدرسوا هناك لعدم ثقته فى التعليم المصرى :D عنده حق بصراحة :D .)

حبيبة : عمو ممكن اسأل حضرتك سؤال

عبد الوهاب : اسألى

حبيبة : ليه ولادك ومراتك عايشين هناك وحضرتك عايش هنا

عبد الوهاب : انتِ طبعاً عارفة ان ام مراتى انجليزيه صح وعاشت حياتها كلها هناك

حبيبة : اه

عبد الوهاب : لما خلفت يحي ويوسف (ولاده) قررنا نعلمهم هناك خصوصاً انهم معاهم الجنسية

حبيبة : طيب ليه حضرتك مش عايش معاهم

عبد الوهاب : عشان المستشفى والعياده

حبيبة : ومينفعش تعملهم هناك

عبد الوهاب : لا ينفع بس مش بسهوله اقدر اعمل اسم الدكتور عبد الوهاب الحديدي

حبيبة : اهاا فهمت

عبد الوهاب : وبعدين انا مش بعيد عنهم اوى اديكي شايفة كل شهرين بروحلهم ، هاا بقي هتجى معايا ولا لا

حبيبة : هو يعني ينفع ؟

عبد الوهاب : مالكيش انتِ دعوة عايزة تجى

حبيبة : ياريت بس بابا هيوافق

عبد الوهاب : مالكيش دعوة انا هقنعه

حبيبة : خلاص ماشى

*_____________________________________________**___________________________*

فى احدى الكافيهات ...

تامر (صاحب جمال) : اشمعنى هايدي دى يعني اللى زعلان عليها كده

جمال : حاسس انى ظلمتها

تامر : يا عم فاااكس بكرة تنساك وتحب تانى ولا انت حبيتها ؟

جمال : مش عارف ليه حاسس انى بحبها بس برضه مش الحب اللى هو

تامر : يعني ايه مش الحب اللى هو ؟

جمال : انا حبيت فى حياتى واحدة بس ، للاسف مش قادر انساها 

تامر : طيب وانتوا سيبتوا بعض ليه ؟

جمال : احنا مرتبطناش اصلاً ، انا بحبها بيني وبين نفسى كده

تامر : ولسه بتحبها ؟

جمال : مش عارف بس حب هايدي لاهانى عن حبها شوية عشان كده مُتمسك شوية بـ هايدي

تامر : هو انا اعرفها

جمال : ايه !! لا لا متعرفهاش

تامر : طيب وانت مقولتلهاش ليه انك بتحبها 

جمال : مكنش ينفع ، كان فى عقبات كتير اوى ولو كنت قولتلها كنت هخسرها ، بس عارف يااد يا تامر انا ببقي مبسوط اوى وانا شايفها ، مجرد ما ابص لوشها بحس بـ راحة نفسيه ، ولما بشوفها مبسوطه ببقي طاير من السعادة

تامر : ياااه ، ده انت بتحبها اوى بس هو انتوا لسه بتعرفوا بعض

جمال : فى ايه يا عم تيمو ما تفكك

تامر : اصل اول مره اعرف انك حبيت وكمان ضحيت بالحب ده عشان العقبات

جمال : اديك عرفت

تامر : بس تصدق مكنتش اعرف ان دماغك عاليه كده

جمال : اشمعنى

تامر : اصلك عندك ٢٠ سنة وتحب وتضحى وتفكر بالشكل ده ده معناه ..........

جمال يقاطعه : ده معناه ان الحشيش اصلى يا معلم

تامر : هاهاهاهاها مش بقولك دماغ ياااد

جمال : طيب حشش حشش وفكك من الحوار ده 

*_____________________________________________**___________________________*

فى بيت وداد ....

(. حبيبة راجعه متأخر من عند رواء .)

وداد : كل ده يا حبيبة

حبيبة : فى ايه يا ماما ؟

وداد : كل ده قاعدة عند رواء

حبيبة : كنت قاعدة مع فرحة 

وداد : يا حبيبتى مينفعش كده ، رواء ست متجوزة وجوزها ماشى كمان كام يوم مينفعش تفضلى قاعدة كل ده عندها

حبيبة : اصلاً رواء كانت عايزة تنام وفرحه مش عايزة تنام فـ سابتها معايا

وداد : ووسيم كان فين ؟

حبيبة : كان نايم هو كمان ، مبيعرفوش يناموا من فرحه طول الليل

وداد : يعني انتِ كنتى قاعدة بـ فرحه

حبيبة : ايوة

وداد : عمك عبد الوهاب كلم ابوكى النهاردة

حبيبة : ليه خير ؟

وداد : بيقول انك عايزة تسافرى معاه لندن

حبيبة : هو عرض عليا وانا قولتله لو بابا وافق اوكى

وداد : وانتِ عايزة تسافرى

حبيبة : لو حضرتك وبابا وموافقين

وداد : مالك يا حبيبة انتِ كويسة

حبيبة : مش عارفة 

وداد : مالك حاسة بـ ايه

حبيبة :  حاسة انى ........... (وسكتت)

وداد : حبيبة حبيبة ردى عليا يا جمال الحقنا يا ابنى

(. هنا جه جمال من بره .)

جمال : فى ايه يا ماما .. ايه ده حبيبة !!

اشوفكم الحلقة الجاية

ارجو التقييم بـ كومنت

*_____________________________________________**___________________________*

بـ قلمى / آلاء الشريفى

(. لو حد عايز ينقل القصة يراسلنى على رسايل صفحة الفيس بوك .)

www.facebook.com/sh5abyt.bnoota

sh5abytalaa.blogspot.com